Feeds:
Entradas
Comentarios

Cal deseparar o futbol ,y l´esporte d´a politica.Ixa frase s´ha gosau sentir prou istos dias.Primero con o partiu d´a copa d´o rei ,y dimpues con a eurocopa.Yo soi d´os que piensa que un esporte de masas ,que ye capable d´aturar a vida d´un país,ye muito más que un esporte .O futbol,ye más que un esporte ,Como o barsa ye ´”més que un club”.Pocas cosas cohesionan tanto a un pais como l´esporte,pocas cosas fan tanto pais como os eventos esportivos de masas.Desgraciadamén tamien pocas cosas fan que salga la chen ta la carrera como o futbol,a crisis no ha feito salir tanta chen a manifestar-se,ni anque sian en paro.Dengun puede negar que l´esporte y a bandera van chuntos d´a man.Cuan espanya ganó a eurocopa ,o nacionalismo espanyol se reforzó,toz recosiramos encara ixa frase “yo soy español,español….”.ocianos de sinyals espanyolas engaronaban tot,….
Os mesmos medios de comunicacion que parlan d´a armada espanyola ta referir-se ,a os suyos equipos(fendo referencia a un simil tan patriotico y castrense),dicen que no i hai que fer emplego politico de l´esporte ,cuan ,claro l´emplego politico lo fan os nacionalismos perifericos.Muitas veces no ye tanto un emplego politico,si que en ambos casos,l´esporte fa cristalizar,emercher o sentimiento de pertenecia d´a chen (y en o caso espanyol i hai varios sentimientos nacionals ,varias nacions).istos dias veyendo varias tertulias politicas (como las de cuatro),noto l´esfuerzo que fan os tertulianos(toz espanyolistas ),por fer d´o triunfo d´o barsa un triunfo espanyol.Afirmaban que cal deseparar futbol y politica,pero parlaban de futbol ,en o tiempo adedicau ta la politica .Deciban que i heba que deseparar os dos temas,pero denguneaban a laporta (por que yera nacionalista,ye decir por politica),y deciban que tot o merito yera de guardiola(digo yo que l´esito sera compartiu por toz,que vella cosa habra teniu que veyer).Dimpues ,mientres seguiban esforzando-se en deseparar futbol y banderas,(jeje pensaban en a cuatribarrada),nos quereban fer creyer que a mayoria d´os espanyols ,encara que estiesen d´o madrit,quereban que ganase o barsa porque yera un equipo espanyol(jeje apelan a la patria espanyola).Yo creigo que en abra abiu casos de toz,pero muitos s´estimaban más que perdesen ,no so que por rivalidat (madrit barsa ,sobre tot),si que por catalans(nacionalistas,como perdonar lo de l´himno espanyol,lo de o rei).o caso ye que se quereba espanyolizar o triunfo.Se le quereba restar a catalanidat que representa o club,decindo que en toda espanya tienen seguidors,…. Ye verdat que tienen seguidors en espanya ,pero en tienen tamien en tot o mundo como o madrit,como toz os grandes clubs . O barsa ye,encara que les junya , o buque insinnia esportivo de catalunya.Por ixo leba o sinyal de catalunya a chambreta d´o barsa,por ixo l´escudo de l´equipo refleixa ixa catalanidat(bandera san chorche,as cuatro barras,y os colors d´o club).en as celebracions os chugadors,l´entrenador chilan ixo de visca el barsa y visca catalunya.L´aficion d´o barsa s´esparde por tot o mundo,en i hai de muitas nacionalidaz ,pero os seguidors catalans ,lo menos cuan gana o barsa leban o sinyal catalan y el de lo club,no pas l´espanyol,a l´igual que os aficionaus a o reyal madrit gosan levar o sinyal d´espanya(lo menos os espanyols,pos tamien en i hai de muitas nacionalidaz).Igual que o barsa leba o sinyal catalan,o madrit en leba l´espanyol n´as chambretas.Visca el barsa y visca catalunya.

en o minchador d´una respetable familia zaragozana,un pai de familia ye posau n´o sofa ,dixa l´heraldo d´aragon n´a mesa d´o minchador ,y esclama ninos ,que tal si t´os foi un cuento:biennnnn dicen os ninos a l´unisono .o pai empecipia a fer-les o cuento ,mintres os fillos se lo miran con guellos percutius:Diz que yera una vez un puesto que se deciba a plaza d´aragon, Iste puesto yera habitau por un peligroso esprito malinno que aterrorizaba a las chens .Ta forachitar d´asti a o mal,estió nimbiau(por o santo pai zapatero) mosen belloc.Bien arguelloso se presentó un maitin n´a plaza d´aragon. dinantes d´entablar batalla con o mal,,sabedor d´o gran poder d´iste, s´encomendó a san escribá de balaguer ta que lo protechese en a batalla,mosen belloc contaba con armas bien poderosas ,con las que confiaba vencer a o mal. O sinyal espanyol y a sagrada constitución.agafó con una man fuertemen o sinyal espanyol,mientres con l´atra ubrió a sagrada constitucion;prencipiando a leyer en voz  alta;en nombre d´a suya machestat juancarlos te ordeno ixanegues d´iste monimento decamin,te l´ordeno en nombre d´a  sagrada unidat d´a patria.asinas estió una hora orando ,dica que  L´esconchuro tenió esito y o mal estió forachitau da estatua.A escureldat´estió vencida por a luz,y o bien trinfo sobre o mal.en ixe momento os fillos l´interumpen y le preguntan si teneba vel nombre ixe mal:alavez o pai se toca a pulsera con o sinyal espanyol d´o suyo maniquiello :ixe demonio ninos ye o nacionalismo,que pretende desfer o nuestro pais biennnn!!!! gritón os ninos .Dende a puerta d´o minchador a psocialista mama,sonrie goyoa.le incantan as historias con un buen final.cuento contau por a chaminera ha volau.

A la fin,o sabado arribó y fayemos a manifestación.Teneba ganas de vivir ixe dia,pos teneba d´especial lo que poseyen os dias historicos.No ye mica desacherau decir que estió un dia historico ,no por o numero d´asistens(que no estió masivo) ,si que  porque yera a primera vez  n´a historia d´aragon que se saliba ta las carreras en favor de l´aragonés.Manimenos En iste caso a manifestación salió a esfender as dos luengas amenazadas d´aragon ,tanto charradors d´aragonés como  de catalan saliemos chermanaus ta fer valer os nuestros dreitos.Muito simbolica estió a presencia d´o tio baytico,uno d´os zaguers charradors de belsetan(d´os tres u cuatro habituals que lo charran encara),ye emocionán comprebar como una persona d´ochenta anyos tiene arguello d´a suya luenga(cualcosa de mal trobar entre chen tan gran que tienen vergonya d´iste parlache),pos el no so no´n tiene mica vergonya
si que tien arguello d´a suya luenga.Lastima ,que l´eco d´os nuestros chilos no sian ascuitaus por os representans de l´aljaferia ,por lo menos por parte d´os iglesias,alcaldes,y Bieles.Pero bueno voi a matizar ista zaguera afirmación ….pos uno no puede dixar  de pensar,que as cosas que fa sirven ta vella cosa,uno tiende a pensar que as movilizacions d´os ciudadanos ye tenida en cuenta por os suyos representans.sere iluso?,ixa opinion t´os la dixo a vusatros.

Cuan mi pai yera crio ,parlar  aragonés en la escuela podeba estar ,millor dito yera,sinonimo d´una bofetada per parte del mayestro.Ista situgacion se yera vivita dende Ansó dica la ribagorza,se yera vivita per muta de la chen que charra aragonés e tiene una cierta edat.Amés de las frecuens agresions fisicas i hai que adivir las agresions psicolochicas que dende la escuelas e las institucions se fomentaban,fendo que la chen creyés que parlar en aragonés yera charrar basto.Ixa bergonya yera bien espardita entre las chens ,pos la luenga tansamén heba tenito literatura dica alavez(al menos en es tiempos contemporanios),e la chen per un regular
se creyeban “a pies juntillas” el que deciban es mayestros(que ta ixo i yeran).
El tiempo pasa ,e velas veces ta bien ,e la dictadura franquista arribó a la suya fin,ubrindo-se un periodo nuevo con la constitución de 1978,que trayó la democracia,e tamien un respeto a las luengas de l´estato.ye alavez,cuan i hai un rebelar de las luengas ,e s´empenta el suyo aprendizache e la suya coficialidat.En Aragon,chunto a las voces que reclaman l´autonomia plena ,i hai mutas altras que amés d´ixo piden proteción ta las luengas Aragonesas desemparatas (aragonés e catalán),naixen asociacions ta la suya proteción ,en especial el consello de la fabla Aragonesa,que troballan ta que l´aragonés y el catalán salgan de l´almario.Es anyos van pasando,i es proyectos de lei de luengas se suceden(marraco en es anyos 80,lanzuela en es 90,i agora en la era Iglesias),pero toz estes proyectos se son quedatos en cosa.E tiengo que decir que no soi mica obtimista al respecto,estoi que nunca no la faran .Si i hai problemas ta reconoixer que en la francha se parla catalán en l´estatuto ye que vel problema tenemos (cuan ye un feto filolochico),mesmo castiella e lión reconoix en el suyo estatuto las dos luengas minorizatas que tien (lionés,galego),e quiero fer una reflesión (la capital ye valladolit,jeje).
Dende l´asunción de l´autonomia pocas cosas s´han feto per l´aragonés dende las institucions (cuatre cursos en cuatre lugars ,i en horario estraescolar,clases que empecipió el gobierno espanyol ,encara no yeran transferitas las competecias d´educación).El que s´ha feto,ye estato per las asociacions que troballan per esta luenga,(sobre tot han dinnificato a l´aragonés ,ya que hue poca chen piensa que ye un parlache fiero),han editato libros,han feto concursos literarios e ansinas ansinas.
Cal ir ta la manifestación,ta defender las dos luengas aragonesas que no gozan de proteción,e protecherlas como el que son un patrimonio cultural muto gran,un sinyal d´identidat del viello reino.
Muta de la chen de hue podrá preguntar-se si tiene mica sentito protecher una luenga como l´aragonesa en un mundo globalizato .mutos diran que no hai que aprender aragonés que i hai que aprender anglés,que ye el que sirve.(como si aprender aragonés conllevás vel incante machico que imposibilitás l´aprendizache d´altras luengas).S´afirma amenuto(per  es parladors de luengas mayorizatas,sobre tot),que la valura unica de las luengas ye l´estar una ferramienta ta comunicar-se entre las chens.Muto me temo que dezaga d´istas afirmacions ,asoben s´amagan posicions d´imperialismo linguistico ,tan frecuen en l´estato espanyol.Yo creigo que la valura de las luengas ye doble,elemento de comunicación,pero tamien elemento cultural de primer orden.Si perque si només conservasemos  el que conserva la suya utilidat ,(que l´aragonés contina tenendo,pos contina estando una ferramienta de comunicación dinna ,pero emplegata  pero menos  chen),ta que imos a conservar el castiello de lobarre(la función melitar l´ha ha perdita,no sirve en el sieglo XXI,e se construyó con ixa fin,ya no tiene ulilidat),no creigo que a dengun se le pase per la capeza espaldar-lo,encara que sia de upyd.La cultura i el patrimonio(natural u artistico) ye della de l´intres pragmatico u del concepto de rentabilidat,u  al menos dende el mio punto de vista deberia estar-lo.En aragon tenemos un gran patrimonio linguistico,patrimonio aragonés que enriqueix a la diversidat linguistica del mundo con las tres luengas que tenemos (una l´aragonés en tot el mundo només se parla aqui,).Seria muto triste un mundo con dos u tres luengas(encara que mutos apuestan per ixo,babel se vei como un problema),della de la convenecia de que haiga una,u varias, luenga mundial en la que entendernos toz,ye buen conservar la diversidat linguistica del globo,a ixo se le diz ecolochia de las luengas ,pos igual que una selva ye més rica cuantas més especies d´animals e plantas tien,e la mayoria de la chen entiende que cal protecher ixa diversidat biolochica,pos creigo que tamien i hai que mirar de fer-lo con la cultural e linguistica.Pos cuantas més luengas conserve la humanidat més rica sera culturalmén.Perque en iste mundo globalizato tamien es chiquez tienen dreto a seguir esistindo,perque las luengas chiquetas(en numero de charradors me refiero),tamien mereixen un puesto en iste planeta.
Aragon ye una bergonya hue,e varias son las institucions internacionals que ixorellan al gobierno aragonés( UNESCO,CONSELLO D’EUROPA),sin que se faya caso.
Yo ire ta la manifestación del sabado,ta defender la mia luenga,la luenga d´es mios antepasatos.En la memoria tendré seguro a la mia yaya,Rosa,que murió en 2003 e que morió pensando que el belsetan yera una parla basta,de la que s´abergonyaba.Somos pasatos de la marginacion e las agresions del franquismo,a l´olvido de la democracia espanyola.Lei de luengas ya.

Deciba a presidenta d´o parlamento vasco(d´o pp) ,en una entrevista que le fayón ayer n´a television que ella yera aprendendo euskara ,como un gesto .Vella cosa parellana ha feito o nuevo lendakari ,que cuan veyó que podeba estar o nuevo lendakari se metio a estudiar euskara.Bueno mas vale tarde que nunca.Ellos lo veyen como un gesto,pero me pregunto yo que pensarian en la resta de l´estau ,si un presidén d´una autonomia no sabese castellano(ya se que saber castellano ye una obligacion seguntes a constitución,mientras que conoixer as atras luengas oficials nomás ye un dreito,bueno tamien en i hai que no tienen ni ixe dreito reconoixiu)y  no más parlase en a luenga propia d´a suya autonomia.Bueno creigo que a chen se levaria as mans enta la cabeza.Ixa mesma chen ,creigo que “quitaria hierro” a l´asunto de que un presiden d´una autonomia (u d´o suyo parlamento),no sabese parlar a luenga autoctona d´ixa autonomia(diría que ixo ye poco importán ,que i hai cosas más importans……).Bueno menos mal que lopez y quiroga ,han teniu la decencia d´aprender euskara (perque menuda representación d´os vascos serian sin no saben  a luenga propia).Talmén no tienen denguna obligacion legal d´aprender euskara ,pero eticamén si que la tienen.A yo me pareix sinceramén que l´euskara nunca no les ha intresau guaire(si no l´hesen aprendiu antes),paix que no les heba vagau dica que no s´ha aprestau a conquistar as institucions vascas.Hese quedau mui cutre un lendakari con cascos de traducion simultania ,ta poder entender os discursos d´aralar u d´o p.n.v.T´os lo imachinaz? seria de comic .Talmén me percuta ,y talmén fayan muito por l´euskara,o tiempo dirá,pero a imachen que trasmiten ye que l´han aprendiu  deprisa ,correndo y no se si mal,ta no estar l´unico lendakari y a unica presidenta d´o parlamento d´a historia que no sabeban a luenga d´os vascos.Ixo hese quedau mui mal,digo yo.

O planeta tierra ye un cuerpo chaquiento que se queixa , encara que beluns no la quieran ascuitar .Si a tierra ye emitindo sinyals d´alerta avisando-nos de Cualcosa que cuasi dengun ye atribe a negar;que o clima ye cambeando.

Lo que parixeba fa uns anyos”cuestion de fé “de cuatro collas ecolochistas radicals ,ha dixato paso a un feito cientifico alufrable y por tanto no custionable.

Como ye sabiu o clima d´a tierra no ye estau siempre o mesmo sino que ye cambeau de traza natural;seguntes  epocas ha feito más calor u más fredo.Por exemplo,fa 1000 anyos europa yera mas calida y en Anglaterra i heba vinyas.Fa 400 anyos o clima se tornó más fredo y mesmo o rio Tamesis se chelaba d´ivierno.Cabria pensar pues que isto que ye ocurrindo podria estar un concieto más d´a naturaleza ,un cambio natural más ,n´o que o ser humano no i tien denguna responsabilidat.Pero seguntes os espertos isto no ye asinas.

D´entre sieglos se son picadas selvas ,cremau carbón ,gas y petrolio ,emitindo ta l´atmosfera diosido de carbono y atros gases que retien a calor sin que las plantas y os ocianos puedan absorver-los.O ran de diosido de carbono nunca no ye estau tan alto como en ye hue.O ser humano se ye tornau un achen cheolochico capable d´influyir n´o clima.Ixo advierte por exemplo George Philander ,esperto en clima d´a universidat de Princeton.

Seguntes un informe d´o panel intergubernamental arredol d´o cambio climatico (IPCC)d´a O.N.U ,as temperaturas globals son puyando más deprisa que en cualsiquier momento d´os zaguers mil anyos ,y os modelos climaticos contrimuestran que as fuerzas naturals ,como as erucions volcanicas u pandas solars no son prou ta esplicar tot iste calentamiento.Os modelos informaticos que nomás consideran as influyencias naturals u las que nomás consideran as humanas sobre o clima no coinciden con o calentamiento alufrau n´o planeta.

Sin d´embargo un modelo que tien en cuenta tanto as influyencias naturals como as humanas si que coinciden con lo alufrau .Iste modelo nos parla tamien que iste calentamiento global d´o clima continará.

Mientres continen as emisions de Co2 ,tamien puyará o termometro.Seguntes o IPCC podria fer-lo entre 1,5 y 6 graus ta cabo sieglo.Ta fer-nos una ideya d´a importancia d´un cambio en o termometro,a puyada nomás de medio grau n´a temperatura podria(que no pareix guaire),cambiar la endrecera d´os vientos ,a epoca d´as cullidas ….

Por si isto no estiese prou a puyada d´o termometro amenaza con fer-se bruscamén ,lo que faria que os suyos efectos negativos s´agravasen.

Os rechistros de climas antigos indican que o termostato d´o planeta tiende a entrascar-se y dispara-se bruscamén.Miguel Saez ,profesor d´o departamento de cheografia d´a universidat de Zaragoza ,ye pasau os zaguers anyos estudiando os aniellos d´os arbols(tamien se puede conoixer o clima d´epocas pasadas por os corals ,u as estalagmitas…n´os que se son fendo estudeos que contrimuestran que i hai cambeo climatico)ta conoixer o clima d´o norte d´a peninsula.O treballo publicau por o consello de proteción d´a naturaleza D´Aragón,le permite analizar o clima en un contesto de 6 sieglos,ta comprebar si un periodo climatico como l´actual ye u no excecional.Saez a comprebau ,que somos en un periodo escecionalmén largo ,cosa que no ocurriba dende o periodo cuaternario (fa un millon d´anyos).Iste climatologo tamien ye treballando con un equipo n´os glacials d´os pirineus .Os resultaus que s´obtien en istos son parellanos a os que se replegan n´os glacials d´atras zonas d´o mundo(como l´artico).Si a segunda metat d´o sieglo XX ye estau el que ha teniu una variabilidat termica mas gran dende o sieglo XV ,igual ocurre con as precipitacions .Bels espertos auguran que o cambeo climatico prebocara un aumento d´os fenomenos estrimers comos os tornaus ,plebias torrencials ,sequeras engaronadas….

CHEOSINNOS D´O CALENTAMIENTO CLIMATICO

I hai dos cheosinnos evidens y que se repiten por tot o mundo.Uno ye o retacule d´os glacials y l´atro a puyada d´o ran d´o mar.

Como hemos ditos os glacials d´o mundo entero son retaculando(pirineus,alpes,himalaya ,Andes ,Alaska,artico….).Dende a metat d´o sieglo XIX os glacials d´unteraar n´os Alpes centrals de Suiza son retaculaus 2000 metros por a puyada d´a temperatura.

En as montanyas Rocosas en l´estau de Montana ,se troba o parque nacional de Glacier .Asti se ye levando a cabo una investigación por part d´o servicio cheolochico d´os estaus unius .Cuan se creyó o parque en 1910 i heba arredol de 150 glacials.Hue nomás i quedan 30,y a mayoria d´istos han perdiu dos tercios d´a suya superficie.Fagre ,ún d´os cientificos encargaus de l´estudeo ,advierte “cosas que por un regular acayecen en tiempo cheolochico son pasando agora en una vida humana”.O glacial Sperrey ye o mas famoso d´o parque ,y si en 1901 teneba más de 325 hectarias en 2004 nomás en teneba 100hectarias.

En Africa l´exemplo más claro d´iste retacule d´as masas de chelo,ye o pico Klimanjaro de cuasi 6000 metros d´altaria.Asti o chelo se ye funyiu en un 80 por ciento.

A cordelera más importán d´o mundo tampó no´n ye mica esceción.Se calcula que ta o 2025 podria haber desapareciu ya a mayoria d´os glacials d´o centro y l´este d´a cordelera. Tamien os chelos de l´artico se son reducius en un 10% n´os zaguers 30 anyos.Diz que se podrian desfer de tot ta o 2100.Un atro sinyal d´o calentamiento global ye que o deschelo primaveral d´augua dulce escomencipia en l´hemisferio norte nueu dias antes que fa 150 anyos.beyemos pues exemplos plateros de como o cambeo climatico ye actuando agora mesmo ,n´o inte que escribo istas linias ,y como os suyos efectos se dixan sentir por tot o planeta,por exemplo n´os Andes an os glacials son funyindo-se ,l´exemplo más parolero ye o glacial  de Quelcaya ,el más gran d´a francha tropical .Iste glacial ye retaculando 200 metros a l´anyo en vels puntos.Pero no cal ir ta l´Artico ta veyer os efectos d´o cambio climatico aqui en casa n´os pirineus tamien ye pasando.Javier chueca ,profesor de cheografia d´a universidat de Zaragoza ,y cordinador d´o proyecto internacional “glims ta o pirineu”,esplica que n´os zaguers decenios vels glacials se son funyius de tot ,y que atros se son esmicaus .Hue i quedan nomas 25 .Asegura que a perda de grosor de chelo ye mui gran .L´exemplo más claro ye o glacial de Coronas(hue no ye glacial ya ,se´n ye tornau una conchesta).Ista conchesta tien n´o suyo espesor masimo siete metros de funda,mientres que en 1830 en teneba 50.Como meya se calcula que un glacial pirenenco pierde entre 5 y 10 cm a l´anyo.Ixe chelo ya no lo recupera,en pocas decadas abran desaparexiu.L´atro cheosinno esclatero,y que ye intimamén relacionau con o deschelo d´as masas glacials ye a puyada d´o ran d´o mar.Seguntes o panel intergubernamental o mar ya ye puyau entre 10 y 20 cm ,en os zagures 100 anyos.O ran d´o mar tamien ye puyau y baixau a saber cuanto en os zaguers 4600 millons d´anyos .Pero o recién endiz de crexida d´o mar se ye esbarrau d´a meya en os zaguers 2000 u 3000 anyos  y ye más rapedo que d´antes ,con un promeyo añal d´uns 2,4 mm.O mantenimiento u aceleración d´ista tendencia podria fer cambiar prou muitas zonas litorals.L´actual tendencia tien repercusions en tot o mundo .Nunca no ha habiu tal cantidat de población chunto a la costa.Hue más de 100 millons de personas viven a menos d´un metros sobre o ran d´o mar.Entre os territorios más afectaus son prou que si,as islas .Por exemplo Tuvalú que ye un país d´o pacifico sur que ya para plans de evacuación .Muitas islas d´os mars d´o sur se engaronarían nomás con que o mar puyase unos 10 cm.As megalopolis que se concentran en planas costeras u deltas fluvials ,como Shangai ,Bangkaok,yakarta ,tokio u nueva york ,entre atras corren periglo.As consecuencias ta paises cantiplanos y muito poblaus (si encima adives en muitos casos una pobreza estrema),podria estar una esferra gran.En Bangladesh,por exemplo un metro de puyada d´o ran d´o mar faria que se desplazasen 70 millons de presonas.A puyada d´o mar  produce muitos efectos .Bruce Douglas ,investigador d´a universidat internacional de Florida ,calcula que cada cm de puyada podria suposar un metro de retacule horizontal d´as plachas arenosas  por a erosión. Amás a intrusión d´augua salada en os acuiferos mete en periglo a furnida d´augua potable y planteya graus problemas ta l´agricultura .En o delta d´o nilo ,a erosión a gran escala ,y a intromisión salina farian una estricalla ,ya que echipto practicamén no disposa d´atras tierras cautivables.En l´estau americano  de Luisiana arredol d´un 75por ciento d´os humedals costers se perderían con una puyada de meyo metro.En 2004 un troz d´a plataforma de chelo de l´Antartida s´esmicó .Os cientificos temión iste feito porque podeba estar un presachio ta atras plataformas antarticas de chelo .Si se esmicase o casquete de chelo de l´Antartida ocidental cualcosa que os cientificos veyen como poco prebable ,o mar puyaria seis metros .Mesmo sin columbrar sucesos d´ixa mannitut ,o IPCC preveyeba en o suyo informe de 2001 un aumento d´o ran d´o mar entre 10 y 90 zm.De cumplir-se a segunda cifra seria una esferra sin paliativos.L´aumento d´o ran d´ o mar no ye l´unico cambio que son sofrindo os nuestros ocianos .L´esperimento mundial sobre  a cerculación oceanica(WOCE) ,prencipiau en 1990 ,ha serviu ta conoixer millor lo que hue se gosa decir a cinta transportadera oceanica.As corriens oceanicas  son  vitals ta enfredar ,calentar ,humedexer as tierras emerchidas d´o planeta y ta transferir calor ta os polos.O motor que fa que funcione ixa cinta transportadera ye a cerculación termohaliana (a voz “termo” sinnifica calor,mientres “halina” ye sal).Os cambios en a temperatura y a salinidat de l´augua ,pueden afectar en dita cinta.A temperatura d´os ocianos ye puyando en todas as cuencas oceanicas y en profundidaz muito mas grans que no s´heba pensau dica agora.Seguntes cientificos d´a NOAA(administración oceanica y atmosferica nacional de estados unidos).Robert Gagosian,presiden y director d´a Woods Hole Oceanographic institution,creye que en os ocianos ye a clau d´os posibles cambios sustancials d´o clima terrestre ,y advierte que alteración considerable d´a temperatura y salinidat d´os ocianos  podría modeficar u mesmo aturar a circulación termohaliana de l´atlantico ,ralentizando u mesmo aturando ixa cinta transportadera ,lo cual determirania cambeos drasticos  en plazos breus ,talmén una decada.A  NASA ha feito una simulación d´o que ocurriaria si se regalase o chelo que cubre  l´artico .Disposa de vels satelites que cosiran a evolución d´o chelo de l´artico .Deschelo que podria podria aturar u como menimo alterar as corriens marinas de l´ociano atlantico.Seguntes ixa achencia a calor desprendida por ixa corrién ye comparable a la que faría a produción d´enerchia d´un millon de centrals nucleyars .Tot ixo podría fer que  a temperatura d´europa y norteamerica  baixase de 5  a 10 graus,temperaturas parellanas a las que i habió en la zaguera era glacial,fa 20 mil anyos.Ta Robert Gagosian ,director d´a estitución  dita anteriormén ,isto podria acayexer drento de 20 anyos.

ECOSINNOS

Tamien os animals y as plantas que comparten con nusatros iste azul planeta nos avisan que culacosa ye cambeando.Con a puyada d´as temperaturas ,as fitas que marcan as estacions sufren alteracions y a vida se desplaza n´o espacio y o tiempo.Os habitars cambean a l´igual que as calendatas anyals como a floración ,as migracions y os naximientos .Os ciclos de muitas especies interdependiens,como por exemplo bellas plantas y os insectos que las polinizan ,son quedando periglosamén desfasaus.Una d´as especies que ye disparando as alarmas son os corals .Ixes animals viven en auguas tropicals ,an que a puyada d´a temperatura puede fer que se blanqueyen (ye decir, a perda d´as algas que les aportan nutriens).Os arrecifes d´australia ,a mayor formación coralina d´o planeta(2000km),ye a casa de 400  especies de corals y de 1500 de peixes .Ye a versión marina d´una selva tropical.Pero ista maravilla ye amenazada.

En canada un fenomeno que tamien parla d´o calentamiento global ye o desplazamiento d´o raboso royo enta o norte,n´arias que antes yeran ocupadas por o raboso artico.Una miqueta más t´alto,en  Alaska ,un millón y meyo de hectarias de coniferas ,han muerto por l´aición de l´escarabaixo d´a crosta de l´abet .A población d´o cual ,se ye disparada por a puyada d´as temperaturas.Tornando ta Europa nos trobamos con un estudeo feito sobre 35 especies de pasabelas no migratorias ,seguntes iste estudeo,istos animals han enamplau (en varios decenios),as suyas arias de distribución enta o norte (entre 30 y 240 km).Tamien a flora europea ye comprebando os efectos d´o cambeo climatico,agora muitas plantas florexen una semana antes que fa 50 anyos ,y en aguerro pierden as fuellas cinco dias más tarde.Muitos exemplos i hai en tot o mundo ,d´o que o cambeo climatico ye prebocando en a flora y a fauna(anfibios,onsos ,ballenas),flora de montanya que puya enta zonas mas alteras……

Ye verdat que atras veces heba habiu estincions d´animals y plantas por cambeos climaticos ,pero i hai dos novedaz importans.La primera ye que una especie animal(o ser humano),se ye tornau achen cheolochico capable de fer cambiar o clima(u d´influyir muito),y a segunda ye que devan d´atras epocas que as especies podeban mirar atras zonas más propicias ,a flora y a fauna actuals tienen que apanyar-se-las en un mundo plen d´una especie rariza de mono(o ser humano con una población que supera os 6000 millons de presonas,y cualo numero se dispara decada a decada).O ser humano con as suyas acions va estar luego o gran culpable d´a estinción más gran dende a epoca d´os dinosaurios.Si somos tan intelichens como nos parex porque estricallamos l´unico planeta n´o que,hue en dia, podemos vivir?.Siempre digo que siquiera o ser humano no arribe nunca a dengun atro planeta vivo .Somos ta la vida un tumor,y millor conteniu en un punto de l´universo ya chaquiento,que estendiu ta atros organismos sanos.

Dica agora se creyeba que tot o planeta se calentaba menos o continén de l´antartida(exceción feita d´a peninsula d´o continén que si s´aceptaba que se calentaba) que leixos de calentar-se parixeba que  s´enfriaba .Pero os zaguers estudios feitos por cientificos d´a NASA y d´a universidat de washington acaban de contrimostrar que l´antartida s´ha calentau en istos zaguers 50 anyos a un ritmo parellano a la resta d´o mundo.

l´autor d´iste treballo se diz Eric Steig,director d´o centro d´investigación d´a universidat de Washington.

O treballo se presentó o dia 22 de febrero en a revista “Nature”.

Seguir

Recibe cada nueva publicación en tu buzón de correo electrónico.